میرے آقا نگاہِ کرم ہو

بھیک عطا ئے نبی محتشم ہو میرے آقا نگاہِ کرم ہو

دید کا ہوں طلب گار آقا ہوں اگرچہ گنہگار آقا
اِک جھلک اپنی سرکار آقا اب دکھادو نا اِک بار آقا

اس گنہگار پر بھی کرم ہو میرے آقا نگاہِ کرم ہو

چھوٹ جائے گناہوں کی عادت رب کی دل سے کروں میں عبادت
ایسی کردے تو نظرِ عنایت بس تیرے غم میں ماہِ رسالت

دِل تڑپتا رہے آنکھ نم ہو میرے آقا نگاہِ کرم ہو

ہے تمنا میری میرے دلبردیکھ لوں کاش ہر سال آکر
تیری مسجد کے محراب و منبراور روزے کا پر کیف منظر

پھر بیاں حال با چشمِ نم ہو میرے آقا نگاہِ کرم ہو

یاد آتا ہے مجھ کو وہ منظرجب چلا تھا مدینے سے دلبر
مضطرب قلب تھا آنکھ تھی تراُس گھڑی عرض یہ تھی زباں پر

کہ بار بار آوٴں ایسا کرم ہومیرے آقا نگاہِ کرم ہو

عرض کرتا عبیدِ رضا ہے جو تِرے گھر کا ادنیٰ گدا ہے
مشکلوں میں شہا یہ گھرا ہے تجھ سے امداد یہ چاہتا ہے

دور اس کا ہر اِک رنج و غم ہومیرے آقا نگاہِ کرم ہو