Ujaale kiyon na ho diwar o dar main
اُجالے کیوں نہ ہو دیوار و در میں
میں ذکرِ مصطفیٰ کرتا ہوں گھر میں
وہ جیسے ہیں کوئی ویسا نہیں ہے
یہی لکھا ہے تاریخِ بشر میں
مدینے جاؤں آؤں پھر سے جاؤں
خدا تا عمر رکھے اس سفر میں
چلا ہوں سوئے دربارِ رسالت
ہے میرے ساتھ اِک خوشبو سفر میں
یہاں بے مانگے ملتا ہے گدا کو
نہیں کوئی بھی در ایسا نظر میں
انہی کے نور سے تاباں ہے سورج
انہیں کی بھیک کشکول قمر میں
صبیح میں ہوں اُن کا نام لیوا
میرا نام بھی ہے اہلِ سخن میں
Monday, August 17, 2009
Subscribe to:
Post Comments (Atom)
0 comments:
Post a Comment
اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔